Mwanamke mmoja ambaye ni miongoni mwa washukiwa saba waliohusishwa na kuchoma gari la polisi Kaunti ya Kirinyaga, alizua kihoja mahakamani siku ya Jumatano, Agosti 28, baada ya kuanza kuimba na kuzungumza kwa ndimi.
Saba hao walifikishwa katika mahakama ya Gichugu mbele ya Hakimu Mkuu Ann Katheria, ambapo walituhumiwa kwa kuzua rabsha na uharibifu wa mali.
Habari Nyingine: Alexis Sanchez atua rasmi Inter Milan kutamatisha mkataba wake wa mkopo
Habari Nyingine: Vihiga: Jamaa apanda juu ya mti kujificha baada ya kuwaona maafisa wa sensa
Kwa mujibu wa Citizen, Hakimu Katheria aliamuru mwanamke huyo Lydiah Wangeci, kufanyiwa uchunguzi wa kiakili kabla ya kurejeshwa kortini.
Hakimu huyo pia aliamuru saba hao kuzuiliwa katika Kituo cha Polisi cha Kianyaga, wakisubiri kesi yao kusikizwa tena siku ya Ijumaa huku maafisa wa upelelezi wakiendelea na uchunguzi kuwakamata washukiwa zaidi.
Habari Nyingine: Kocha wa Sleaford Rangers FC, afariki dakika chache baada ya kusherehekea ushindi wake wa kwanza
Washukiwa hao wanakisiwa kuchoma gari la polisi ambalo lilimgonga muhudumu wa boda boda kwenye ajali mbaya ya barabarani iliyofanyika eneo la Rwambiti katika barabara ya Kutus–Kianyaga, siku ya Jumapili.
Boda boda huyo ambaye alikuwa amewabeba abiria wawili alikuwa akijaribu kuipiku gari lililokuwa mbele yake wakati aligongana na gari hilo la polisi eneo la Rwambiti.
Habari Nyingine: Pasta Ng'ang'a kunyeyekea na Habari zingine 10 zilizopepea wiki hii
Naibu OCPD wa Gichugu, Alfred Ng’eno, alisema mhudumu huyo wa boda boda alifariki papo hapo, huku abiria mmoja akifariki katika Hospitali ya Kerugoya baada ya kukumbana na majeraha, mwathiriwa wa tatu akiendelea kupokea matibabu.
Kufuatia ajali hiyo, wahudumu wa boda boda wenye ghathabu na wakaazi walichoma gari la polisi la stesheni ya Kianyaga.
Naibu huyo wa OCPD alimlaumu mhudumu huyo wa boda boda kwa kusababisha ajali hiyo, kwa kusisitiza kuwa alikuwa mlevi wakati wa tukio hilo.
Ng’eno, pia aliongezea kuwa uchunguzi umeanzishwa kuwasaka wakaazi waliochoma gari la polisi.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjZoFxgJZmoqKqmaPGorPAZqSsoKWgtritjJqxrpldoLawtsBmoqiqpJ67qnnKsJhmo6WWu7utjKSsoqWSlnqvrYykrLOtnpzCrsbAZqKwmV2jsaq5yGefraWc