Kila siku ya wiki, TUKO.co.ke inakupakulia kwa mukhtasari matukio na habari muhimu zilizogonga vichwa vya habari wiki hii ili ukapate kufahamu kwa upana na utendeti mambo yalivyo ulimwenguni.
1. Vurumai yazuka City Hall, madiwani wakitaka kumfurusha Spika Elachi
Kulizuka vurumai tena katika bunge la kaunti ya Nairobi madiwani wakikabiliana kuhusu hoja mpya ya kutaka kumtimua Spika Beatrice Elachi.
Mgogoro huo ulifika kilele pale ambapo madiwani wanaoegemea upande wa Spika Elachi waliwavamia wenzao wa upande wa kiongozi wa wengi Abdi Guyo na kukatiza kikao chao na waandishi wa habari.
2. Shoka laangukia wanahabari wa K24, 160 wafutwa kazi
Runinga ya K24, ambayo inahusishwa na familia ya Rais Uhuru Kenyatta, iliwafuta kazi baadhi ya wanahabari wake katika kinachodaiwa ni hali ngumu ya kiuchumi.
3. Wakenya waonyesha upendo mkubwa kwa mtangazaji Hussein Mohammed
Wakenya Jumanne, Oktoba 29, walimiminika kwenye mitandao ya kijamii kusherekea mtangazaji wa runinga Hussein Mohammed na kumuaga kwaheri baada ya kutangaza kuwa anaondoka katika stesheni hiyo.
4. Sharon Otieno: Mashahidi 42 tayari kutoa ushahidi dhidi ya Gavana Obado
Mashahidi 42 wanatazamiwa kutoa ushahidi wao dhidi ya Gavana Obado ambaye ameshtakiwa pamoja na msaidizi wake Michael Oyamo na Casper Obiero, ambaye ni karani wa kaunti yake, kwa kumuua aliyekuwa mwanafunzi wa Chuo Kikuu cha Rongo Sharon Otieno.
5. Sakafu ya feri iliyosababisha kifo cha mama na mwanawe yagunduliwa kuwa na tundu sakafuni
Feri ambayo ilichangia katika kuzama kwa gari baharini na kusababisha kifo cha Mariam Kighenda na mwanawe Amanda Mutheu mwezi Septemba 29, ililazimika kusitisha shughuli yake siku ya Jumapili, Oktoba 27, baada ya kugunduliwa ilikuwa na tundu lililokuwa likiingiza maji.
6. Familia ya Moi yakana madai kuwa Mzee yuko katika hali mbaya
Familia ya rais mstaafu Daniel Toroitich Arap Moi imewahakikishia Wakenya kuwa mzee huyo hayuko katika hali mbaya kama ilivyoriporiwa awali na vyombo vya habari.
Familia hiyo haijafurahishwa na habari kuwa mzee alikuwa amelazwa katika chumba cha wagonjwa mahututi katika hospitali ya Nairobi Jumanne, Oktoba 29.
7. Wakenya wamshambulia vikali Rais Uhuru Kenyatta siku yake ya kuzaliwa
Wakenya Jumamosi Oktoba 26 walimtumia Rais Uhuru Kenyatta jumbe za heri njema anaposherehekea miaka 58 tangu kuzaliwa kwake.
Hata hivyo, baadhi ya Wakenya hawakumtakia Uhuru heri njema bila ya kumkumbusha ahadi alizowapatia wakati wa kampeni na kufikia sasa hajazitimiza.
8. KCPE 2019: Wanafunzi wasusia mtihani kutokana na imani ya dini
Takriban wanafunzi 11 wa darasa la nane wamesusia mtihani wa kitaifa wa shule za msingi (KCPE) kaunti ya Tharaka Nithi kutokana na sababu za kidini.
Wanafunzi hao ni watoto wa waumini wa kanisa la Kabonokia ambao wanadai kuwa elimu na mitihani inakinzana na imani yao.
9. Kikosi cha wanajeshi katika chumba cha maiti chazua maswali baina ya Wakenya
Wakenya Alhamisi, Oktoba 31, waliingiwa na wasiwasi kuwa huenda kuna kigogo wa humu nchini aliyefunga macho baada ya kikosi kikubwa cha wanajeshi kushuhudiwa katika chumba cha kuhifadhia maiti za Lee.
10. Machakos: Afisa wa GSU akiri kukodishwa ili kuwauwa mama na bintiye
Afisa mmoja wa kitengo cha GSU eneo la Katani kaunti ya Machakos amedai kuwa alikodishwa ili awauwe mama na bintiye.
Anthony Kilonzo alielezea mahakama Alhamisi, Oktoba 31, kuwa rafiki wake ambaye hakumtambua kwa majina ndiye aliyemuagiza kutekeleza mauaji hayo.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjZ39ygJRmomtsXaDCuK3ToqSumV2srq%2Btx5qZmqqZYn53fIymmKGhop56r62MrZiaqpmbrm7GyKeeoqaVYsequMizpq2dm5Z6orrGmmSwoZueeqm1yGefraWc