- Kuanzia sasa mikutano ya chamaa haitakubalika na serikali ya kitaifa kutokana na coronavirus
- Maombolezi kwenye matanga haitakubalika pia sawa na shughuli zozote za kuwaleta Wakenya pamoja
- Maafisa wa polisi wametakiwa kuhakikisha hakuna shughuli kama hizo zitaendelea
Katibu katika wizara ya Usalama wa Ndani Karanja Kibicho amesema chama za kina mama hazitakubalika msimu huu taifa linajaribu kupigana na janga la coronavirus.
Akiongea Jumapili, Machi 22, wakati serikali ilikuwa ikitangaza kuongezeka kwa visa vya ugonjwa huo humu nchini, Kibicho alisema hakuna shughuli yoyote ya kuwaleta watu pamoja itakubaliwa.
Habari Nyingine: Coronavirus: Waziri Mutahi Kagwe atangaza Kenya imerekodi visa 8
"Hakuna chama zitaruhusiwa kuanzia sasa, na kwa sababu imekuwa ni kama watu wameachiwa watekeleze haya wakitaka, sasa serikali itahakikisha hali hiyo inatekelezwa," Kibicho alisema.
Katibu huyo alisema baa zote zitafungwa kuanzia Jumapili saa sita usiku mpaka serikali itakapoagiza kufunguliwa.
Sherehe zingine kama vile kusherekea siku ya kuzaliwa, harusi au hafla yoyote ya kuwaleta watu pamoja zimepigwa marufuku.
Habari Nyingine: Naibu Gavana wa Kilifi aingizwa karantini katika Hospitali ya Coast General
Watakaofariki watazikwa haraka na mazishi hayatahudhuriwa na zaidi ya watu 15 ambao ni jamaa wa karibu pekee.
Hakutakuwa na shughuli ya kuwaomboleza wanaofariki kama njia moja ya kupigana na hali ya mkusanyiko wa watu.
Aidha, magari yote yametakiwa kuhakikisha yanabeba idadi chache ya abiria kama ilivyoagizwa na waziri wa Afya Mutahi Kagwe.
Habari Nyingine: Akothee akiri alichumbiana na wanaume wazee kuzima kiu cha mapenzi
Katika tangazo la hapo awali, waziri Kagwe alizitaka matatu zote kupunguza idadi ya abiria wanaobeba hadi asilimia 60 ya kiwango zinachofaa kubeba.
Wakenya wametakiwa pia wasipatikane kwenye maeneo ya miji iwapo hawana shughuli maalum wanafanya.
Waziri Kagwe alionya kuwa Wakenya wasipotii maagizo wanayopewa ili kujiepusha na maambukizi ya virusi vya corona, huenda Kenya ikajipata pabaya.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjaYR1hJRmoqKamZi1sHnAqaCgmV2irrPBxa6irmWTna6urcBmoJuZlJZ6uq2MpJinoaOWe6nAzKU%3D