- DP Ruto alikuwa amejihami na kikokotoo wakati wa mahojiano ya runinga na kuzua maswali alichokuwa amepanga
- Ni mahojiano ambapo alifungua roho pakubwa kuhusu masaibu ambayo anapitia kisiasa
- Wanamtandao walizua gumzo kuhusu kikokotoo hicho cha DP Ruto
Wanamtandao wangali hawajaelewa ni kwa nini Naibu Rais William Ruto aliingia kwenye mahojiano Aprili 15 akiwa amejihami na kikotoo.
Kwenye picha zilizoibuka mtandaoni, DP alionekana na kikokotoo kwenye kiti chake na kuzua maswali ni hesabu za nini alikuwa amepanga kupiga.
Ruto alikuwa kwenye mahojiano na Linus Kaikai wa runinga ya Citizen ambapo alifungua roho kuhusu hali yake kisiasa.
"Ni nini rais mtarajiwa alikuwa amepanga kufanya na kikotoo hapa? Mwirigi Kinoti aliandika kwenye picha hiyo ya DP.
Habari Nyingine: Aliyekuwa Muigizaji wa Tahidi High OJ Atangaza Kuingia Siasa 2022
"Ilikuwa aje DP akabea kikokotoo. Hii ni ishara kuwa haya mahojiano yalipangwa tu ili ajipigie debe," alisema Ibrahim Oloo.
DP wakati wa mahojiano hayo pia alianika mshahara wake ambapo alisema huwa analipa ushuru wa zaidi ya 430K.
Katika suala la ulipaji wa NHIF DP aliteta kuwa analipa KSh 1700 pekee licha ya kuwa mshahara wake ni mnono.
Habari Nyingine: Uhuru Kenyatta Atangaza Nafasi 4 za Makamishna wa IEBC Wazi
Alisema suala kama hilo ni mojawapo wa mambo ambayo atahakikisha anabadili iwapo atachaguliwa rais ili kuhakikisha kuwa kila mmoja analipa kwa mujibu wa kipato chake.
Wakati wa mahojiano hayo, DP Ruto pia alisimulia jinsi amekuwa akidhalilishwa ndani ya serikali huku Rais Uhuru Kenyatta akiwa kimya.
"Manaibu wa rais huwa wanapigwa vita. Ni jambo la kuvunja moyo sana. Nikipata nafasi, sitaruhusu naibu wangu kufanyiwa yale mimi nafanyiwa," alisema naibu kiongozi huyo wa Jubilee.
Habari Nyingine: KCPE 2020: Baba wa Mwanafunzi Aliyechukua Nafasi ya 7 Kitaifa Aomba Msaada
Alisema masaibu yake yalianza baada ua kipindi cha pili cha Jubilee ambapo Rais aliamua kumtema na kufanya kazi na watu wengine.
"Kazi ya naibu rais ni kuwa msaidizi wa rais. Kazi yangu ni kumshauri rais. Na yuko na washauri wengi na kwa hivyo huamua ni ushauri upi atafuata," alimwambia Kaikai.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdkZYV6gpNmp6KbmJZ6uq2MnadmqqWpvG7DwKSYraFdrK5uucChpqOhkaO8brrAZqKaoZuWtm7FwLOsmmWdma6prcuoZaGsnaE%3D