- Rais alisema wanaotaka msichana wa Mt Kenya ni lazima wapite mlango wa mbele ili waongee na mzee wa boma
- Ujumbe wake ulionekana kumlenga DP Ruto ambaye amekuwa akitafuta uungwaji mkono na eneo hilo kupitia wabunge wachanga
- DP ameendelea na karata zake pasi kujali ushauri wa Rais kuhusu kura za eneo hilo ifikapo 2022
Naibu Rais William Ruto yuko kwenye kikao cha siku tatu na baadhi ya wabunge kutoka eneo la Mlima Kenya kutafuta uungwaji mkono 2022.
Kikao hicho pia kinajumuisha wasomi kutoka eneo hilo na DP anatarajiwa kuelezea mfumo wa serikali yake na nafasi ya Mt Kenya.
Kulingana na kiongozi mmoja anayehudhuria mkutano huo, DP anazungumza na zaidi ya viongozi 60 wakiwemo wabunge na maseneta.
Anatarajiwa kuelezea jinsi eneo la Mlima Kenya litafaidka na serikali yake iwapo watamuunga mkono kwenye uchaguzi wa 2022.
Habari Nyingine: Moses Kuria Amhepa DP Ruto, Akutana na Wapinzani Wake Kisiri
Aliyekuwa mwandani wa Raila Odinga kwenye uchaguzi wa 2017 David Ndii, ambaye ni mtaalamu wa masuala ya kiuchumi, pia ameingia kwenye kambi ya DP na anahudhuria kikao hicho.
Hatua ya DP kukutana na viongozi hao huenda ikawakera wandani wa Rais Uhuru Kenyatta kwani wanashikilia yeye ndiye 'kingman' wa siasa za Mt Kenya.
Wakati wa mkutano katika Ikulu ndogo ya Sagana Januari 29, 2021, Rais alisema wanaotaka kura za Mlima ni lazima wapitie kwake.
Habari Nyingine: Walevi Wapata Uhuru Zaidi wa Kwenda Baa Huku Rais Akitangaza Kufunguliwa Wazi kwa Mipaka
"Kama anataka msichana anafaa anapita mlango wa mbele na kuongea na mzee wa nyumba. Lakini wengine wanapita huko na kuanza kuita mama usiku kwa dirisha, huyo ni wa kuaminika kweli?" Rais alisema wakati huo.
Ujumbe huo ulionekana kumlenga DP Ruto ambaye amekuwa akiwinda kura za eneo hilo kupitia kwa wabunge na viongozi wengine.
Hatua yake kuendelea kukutana na wajumbe wa Mlima kutafuta uungwaji mkono inaonekana alikwisha fanya uamuzi wa kutofuata ushauri wa Rais.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Tazama habari zaidi hapa TUKO.co.ke
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdkZn13f5Bmm6lloqrBsHnApJiinJliwrS0wK6pomWnlnqzrcisZK6gpafCbq3Ip56imV2gxKK3xGaZoqSRYri2rsisn5pmmKm6rQ%3D%3D